منتديات طب النيلين الدفعة 13
<a href='programer-sudani.blogspot.com'>
اخى الزائر السلام عليكم
مرحباً بكم فى هذا المنتدى
ارجو ان تجدو كل الفائده بعد التسجيل قم بنشيط حسابك من الايمبل حتى يصبح متاح
كما نرجو منكم المشاركه والمساهمه
</a>


منتدي للتواصل الاجتماعي والاكاديمي والثقافة والرياضي داخل الدفعة ولتقوية العلاقات العامة واستفادة الفرد من الجميع واستفادة الجمع من الفرد
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 زمن الفيس بوك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ود الدهب

avatar

المساهمات : 3
تاريخ التسجيل : 15/11/2011

مُساهمةموضوع: زمن الفيس بوك   الجمعة نوفمبر 25, 2011 12:42 pm

مهما هربنا من واقعنا..خلاص صبح الزمن مقلوب
دة الماذينا والموجعنا..وبقينا نسوي فى الحي اوب
كل ما نقول عدلنا وضعنا..نلقاهو الوضع مخروب
... للموضات ترانا تبعنا..أدمنا وغلبنا نتوب
لما الهم مسك شارعنا..وكلنا قلنا فيهو الروب
اليوم الشباب في محنة..بين البدعة والمرغوب
قالو ثقافة بتفتحنا..وتتقلب الثقافة ذنوب
إرث اجدادنا ياهو سمحنا..تقاليد دينا هى الاسلوب
اسع منهن وين نحنة..حسينا الفقد يادوب
وما عارفين محل صالحنا..لا راكبين ولانا اقروب
وين ابواتنا اهل الحارة..اهل العمى والمركوب
والعراقى دمورية...وجاري وراهو سربادوب
ديل ربونا بالطورية..والعرق الدوام مصبوب
ترباة الاسر دينية..رزقا بالحلال مجلوب
حليل اماتنا امات طرقى..الفردى ولباس التوب
نار الدوكى والمشاطة..والواقود ورود الموية ليهو دروب
حش القش تحت فى الساقى..رفع الجدول المخروب
زمن المحفضة المندلى..واصل سيرة للعرقوب
حل علينا زمن كلو..ضيق ولبس مكروب
الولد والبت فد خلقى..وكل زول عن رفيقو ينوب
لبسة((حبيبى شطفنى))((ادينى حقنة))((وداق سستم))المحبوب
وشبشب قالو اسمو((الليزر))زي شقيانة العروب
بناطلين جنز((اخراج موية))..مفتوحة وملانى هبوب
وتلقى الشاب معلم الله..وفى الشى اللابسو عشرة جيوب
وحدث لا حرج فى الشارع..اجساد لا فهم لا قلوب
لا تقدير اهل لا خجل..حبيبة وماسكة فى محبوب
مجلبطة وشها وماسحاهو..كل كريم براهو يذوب
واي كريم مغالط التانى..انو هو وحدو المطلوب
وسبحان الله شفتو الحكمة..الوش زي كمينة الطوب
والروج والرموش بي غادى..كل تلاتة عاملى قروب
زمنكم يازمان الدسكو..زمان جاكسون وزمان البوب
زمن مافيهو حتى ثقافة..عن عنتر ولا شيبوب
زمن الدادا ماما وبابا..لا حبوبة ولا حبوب
ماحضرتو اللعب فى القمرة..طول الليل تصول وتجوب
واسع يازمن علمنا..قول اكشفلنا المحجوب
يازمن((البلى استيشن))..الدجتال او الحاسوب
ايميل ولا انترنت..واليوم كلو فى اللابتوب
الفيس بوك مع الماسنجر..واخر صيحة فى اليوتيوب
sms من الموبايل..حليل زمن الخطاب مكتوب
راح زمن اللبن بالكسرة..وتحلية الفطيرة بالروب
والقراصة كمين بوصة..تخليك للعصر مكروب
بصلة وشطة بي ليمونة..يسيل عرقك تقول مصبوب
اسع جانا زمن البيرقر..وفيهو تمصر الكاتشوب[/font]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ahmed Ghanim

avatar

المساهمات : 4
تاريخ التسجيل : 11/11/2011

مُساهمةموضوع: رد: زمن الفيس بوك   السبت نوفمبر 26, 2011 7:24 am

Very Happy Laughing والله ياود الدهب دل حال زمنا اها عاد نسوى شنو...

لكن مافيها شخشخه والله Cool
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ala aldeen abd albaset



المساهمات : 5
تاريخ التسجيل : 23/10/2011

مُساهمةموضوع: رد : زمن الفيس بوك   السبت نوفمبر 26, 2011 7:03 pm

والله صاح

الله يكفينا شر الانفتاح ونتمنا الايسرق مننا عاداتنا وتقاليدنا وترابطنا التى نعتز به
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
زمن الفيس بوك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طب النيلين الدفعة 13 :: general-
انتقل الى: